أعاد الجبير، وزير خارجية السعودية، الفكاهة والبسمة الى عالم السياسة العربية، بعد غياب طويل استمر منذ رحيل النجم الكوميدى الكبير المأسوف على شبابه، القذافى!
فقد أعلن الجبير ـ بعد الهنا بسنة ـ
أن زيارة وفد حماس برئاسة مشعل، لملك السعودية، كانت بهدف أداء العمرة!
هيه العمرة بقت تتعمل فى قصر الملك فى
الرياض يا جبير؟
شوف يا جبير.. انت صحيح أصلع، ومفروض
دماغك كله حكمة، بس واضح إنك لسه "ورور"!
حماس أساءوا الأدب قوى فى حق مصر، زى
داعش بالضبط، وطبعا انت عارف زى الدنيا كلها إن كلهم اخوان، وكلهم ارهابيين..
ولازم مصر تأدبهم تأديبا مناسبا!
فلما السعودية تفتح لهم صدرها، والملك
يستقبلهم فى القصر الملكى؛ تبقى دى رسالة موجهة لمصر!
ولما تبقى السعودية موحولة فى اليمن،
وتوجه رسالة زى دى لمصر؛ يبقى ده إسمه انتحار!
لآن مصر لو تخلت عن السعودية النهارده،
على عبد الله صالح ها يحكم اليمن بكره!
عرفت يا جبير انك لسه "ورور"، واللى
بيفكر وبيخطط للسعودية اليومين دول، "وراور" زيك؟
ألف رحمة ونور على روحك الطاهرة.. يا مولانا
عبد الله بن عبد العزيز..
وفى الليلة الظلماء يُفتقد البدر!
ليست هناك تعليقات:
إرسال تعليق